Universiteti i Elbasanit "Aleksandër Xhuvani" në bashkëpunim me Kryqin e Kuq Shqiptar Dega Elbasan dhe Bankën Kombëtare të Transfuzionit të Gjakut, organizuan sesion dhurimi vullnetar të gjakut në ambjentet e universitetit, nën moton "Dhuro gjak, shpëto një jetë!".

Si çdo vit tjetër,u vërejt një gatishmëri e madhe e studentëve , personelit akademik dhe punonjësve tjerë të këtij institucioni për t'ju bashkuar kësaj nisme, kontributi i të cilëve do t'ju vijë në ndihmë fëmijëve Talasemikë.

Sesion dhurimi vullnetar të gjakut në Universitetin e Elbasanit “Aleksandër Xhuvani”

Ditën e sotme, Universiteti i Elbasanit "Aleksandër Xhuvani" ka shënuar një hap të rëndësishëm drejt thellimit të bashkëpunimit me Organizatën për Siguri dhe Bashkëpunim në Europë (OSBE) në Shqipëri.

Rektori i Universitetit të Elbasanit, Prof.dr. Skender Topi dhe Ambasadori i Prezencës së OSBE në Shqipëri, Z. Bruce G. Berton, kanë nënshkruar një marreveshje që synon të themelojë Klinikën e Ligjit në Universitetin e Elbasanit. Klinika:

1️⃣    Do të ofrojë ndihmë juridike parësore për banorët me të ardhura të ulëta në qarkun e Elbasanit;

2️⃣    Do t’i vijë në ndihmë praktikës së studentëve të vitit të pestë të Drejtësisë.

Më shumë

Partners Albania në bashkëpunim me Universitetin e Elbasanit "Aleksandër Xhuvani", organizoi sesionin e informimit mbi Thirrjen e Parë për Aplikime, të projektit "Challenge Fund".

Objektivi i këtij projekti është të ofrojë mbështetje financiare dhe teknike për rreth 50 startup-e dhe ndërmarrje mikro, të vogla dhe të mesme shqiptare me zgjidhje inovative në faza të ndryshme të zhvillimit të tyre, përmes skemave konkurruese të mbështetjes, rrjetëzimit dhe ekspozimit në tregjet kombëtare dhe ndërkombëtare.

Për të aplikuar klikoni linkun: https://challengefund.euforinnovation.al/apply/

Sesion informimi në Universitetin e Elbasanit “Aleksandër Xhuvani”, në bashkëpunim me Partners Albania

Universiteti i Elbasanit "Aleksandër Xhuvani", mori pjesë në Workshop-in me temë "Transformimi i Neutralitetit Klimatik në Ballkanin Perëndimor", organizuar nga TAIEX dhe Bashkia Elbasan, me pjesëmarrjen e ekspertëve të ndryshëm nga Bashkimi Europian."

Në këtë workshop Universiteti i Elbasanit, ishte pjesë e panelit "Perspektivat e veprimit për klimën urbane: njohuri nga studiues dhe praktikues.

Ky workshop shërben për të mbështetur shkëmbimin e zgjidhjeve të zbatimit, qeverisjes dhe financimit për të arritur neutralitetin klimatik të qyteteve.

Universiteti i Elbasanit “Aleksandër Xhuvani” në workshopin e organizuar nga TAEIX dhe Bashkia Elbasan

Në fjalën e saj, Zëvendësrektorja e Universitetit, Prof. Asoc. Dr. Elvira Fetahu, diskutoi mbi nevojën dhe rëndësinë e kërkimit shkencor në Universitetin e Elbasanit dhe zbatimit të projekteve të lidhura me kërkimin, me financim kombëtar dhe ndërkombëtar.

Kjo konferencë ndërkombëtare, kthyer në një traditë në Fakultetin Ekonomik, ofron për studiues, kërkues nga vende të ndryshme një platformë të shkëlqyer për të diskutuar ide, perspektiva, për të sjellë këndvështrime të reja, duke krijuar një dialog të pasur dhe të frytshëm.

Fakulteti Ekonomik në Universitetin e Elbasanit "Aleksandër Xhuvani", zhvilloi Konferencën e 11-të Ndërkombëtare Shkencore “Sfidat e fundit në Inovacionin e Sipërmarrjes dhe Kornizën Ligjore”

Në kuadër të aktiviteteve të ndërmarra gjatë muajit tetor , nën moton #TetoriRozë i shndërruar tashmë në një muaj vetëdijësimi mbi Kancerin e Gjirit dhe rritjen e ndërgjegjësimit për shtimin e masave për zbulimin e hershëm të tij, Universiteti i Elbasanit në bashkëpunim me Institutin Parlamentar, përmes Shërbimit të Edukimit Qytetar, zhvilloi në ambientet e Fakultetit të Shkencave Mjekësore Teknike një aktivitet me pjesëmarrjen e studentëve, personelit akademik si edhe të deputeteve të Kuvendit të Shqipërisë Znj. Desantila Tahiraj dhe Znj. Zheni Gjergji.

Në kumtesat e tyre, zëvëndësrektorja e universitetit Prof.as.dr. Elvira Fetahu, Znj.Tahiraj dhe Znj. Gjergji, diskutuan me të pranishmit një spektër të gjerë tematikash, duke u ndalur edhe në mesazhe sensibilizuese vetëdijësimi si individë dhe si shoqëri.

Takim në Fakultetin e Shkencave Mjekësore Teknike në kuadër të Tetorit Rozë