Matematika dhe Informatika në UE

Universiteti i Elbasanit (logoja)

Departamenti i Matematikës dhe Informatikës është një nga njësitë më të vjetra dhe më të konsoliduara të Universitetit të Elbasanit. Ajo ka një traditë mësimdhënie mbi 35 vjeçare dhe një vazhdimësi në punën e saj. Krahas profesoriatit të vjetër është formuar edhe një i mesëm që luan tani rolin kryesor. Mund të thuhet që nuk ka shkëputje ndërmjet brezave dhe eksperiencat duket se shkëmbehen pa probleme me gjithë kushtet e reja social-kulturore që janë zhvilluar në vend dhe luajnë një rol të rëndësishëm në jetën profesionale të kësaj njësie ashtu si në çdo qelizë të jetës shoqërore.

Ka përpjekje të mira për të ruajtur traditat e formuara në kohë që shprehen me një disiplinë të ndërgjegjëshme në realizim të suksesshëm të procesit mësimor duke shmangur çdo pengesë dhe duke plotësuar çdo boshllëk të krijuar eventualisht. Pa e tepruar, mund të thuhet se është shembull për të gjithë universitetin. Ka një trajtim dinjitoz dhe të lidhur kryesisht me punën dhe suksesin në studime të studentëve dhe bëhen përpjekje të mira të mbajtur të paprekur famën e mirë të departamentit në lidhje me korrupsionin dhe mitmarrjen.

Departamenti aktualisht e ka fokusuar punën e tij në realizimin e dy diplomave siç janë diploma: mesues i matematikës dhe fizikës me drejtim matematikë dhe mësues i matematikës dhe fizikës me drejtim informatikë. Ndërsa diploma e parë është e konsoliduar në shumë vite( mbi 25 vjet), diploma e re ka vetëm pak vite që është hapur. Për shkak të kësaj ndërthurje përgatitjesh, që nga ana e formimit shkencor është triplanesh, planet tona mësimore janë disi të ngarkuara si nga numri i orëve në auditor që janë gjithmonë në kufirin maksimal ashtu dhe në ngarkesën e studentëve jashtë orëve të mësimit. Megjithatë, fakti që në vite janë diplomuar shumë studentë me integritet profesional tregon se kurrikula ja ka arritur të gjeje në ekuilibër, i cili tashmë nuk kontestohet nga pjesa më e madhe e komunitetit pedagogë dhe studentë. Destinacioni i diplomave është kryesisht cikli i lartë i shkollës 9 vjeçare (klasat 5-9) për matematikë-fizikë dhe informatikë kurse, në veçanti, për matematikë dhe informatikë edhe ai i klasave të 1.-2. shkollave të mesme profesionale apo me drejtim shoqëror.

Duke patur parasysh zhvillimin e hovshëm të shoqërisë dhe ndryshimet eventuale të kurrikulës së shkollës parauniversitare prej kohësh është skicuar një plan mësimor i avancuar, i cili dallohet si nga lëndët e përzgjedhura ashtu dhe nga programet dhe literatura e përdorur; për këto të fundit mund të thuhet se kanë qenë të nivelit më të lartë në nivel kombëtar dhe dinjitoze edhe për nivele rajonal lindore. Përveç kurrikulës së konsoliduar të diplomës matematiko-fizike, një pikë e fortë mund të konsiderohet, së pari, stafi i cili realizon atë, që është më i zgjedhuri, qoftë nga pikëpamja e eksperiencës shumë të gjatë. Në të janë angazhuar pjestarët me titujt më të lartë dhe më me tregues të punës mësimore kërkimore si dhe ata që premtojnë një sukses në përspektivën më të afërt.

Praktikisht, në realizimin e kësaj diplome janë angazhuar një profesor, dy profesorë të asociuar, dy doktorë dhe tre me titullin master. Në funksion të diplomës që departamenti lëshon janë dhe drejtimet shkencore të këtij kolektivi që janë si në drejtim të thellimit në shkencat matematike dy doktorata, 4 mikroteza ashtu dhe në drejtimin e mësimdhënies së matematikës me tri doktorata. Si dobësi të punës së Departamentit do të vlerësonim numrin jo të kënaqshëm të diplomave të mbrojtura dhe bashkveprimit për drejtime të përcaktuar qartë të punës kërkimore shkencore duke i dhënë rëndësi punës në grup.

Mendoj se duke patur parasysh numrin e pedagogëve me tituj doktor e lartë dhe perspektivën e afërt kur janë tre vetë të regjistruar në studimet pasuniversitare për doctorate, përfundimi i të cilave ka garanci, qoftë nga përgatitja në vazhdim e tyre, qoftë nga aktivizimi në punën kërkimore që është tashmë i dukshëm, shpreh bindjen se departamenti i matematikës, përveç diplomimit bachelor, është i aftë të plotësojë arsimimin universitar të studentëve në sistemin master, së pari, në drejtimet mësimdhënies së matematikës një apo dy vjeçare po ashtu edhe në një master dy vjeçar për matematikën shkencore në drejtimin e analizës, topologjisë të ndërthurur me algjebrën. Në lidhje diplomën e studimeve pasuniversitare të doktoraturës, në bashkëpunim me Departamentin e pedagogjisë, mund të realizojmë doktoraturë në fushën e didaktikës së matematikës.

Përsa i përket diplomës matematikë-fizikë me drejtim informatikë momentalisht kjo është në konsolidim e sipër, stafi i specializuar për matematikë luan rolin mbështetës me kualifikimin më të lartë të mundshëm. Kurrikula po maturohet nga viti në vit, besojmë që drafti për bachelor është dinjitoz dhe po i  nënshtrohet diskutimit më të gjerë të mundshëm duke u konsultuar edhe me studentët që këkojnë një formim sa më të gjerë. Jemi në gjendje të mbulojmë masterin një vjeçar në këtë drejtim.

                                                                       Përgjegjësi i Departamentit

                                                                              Prof.dr. Agron Tato